ඒ තුමුල කඳු මුදුනත
ජීවිතය නම් වූ මහ පදාසය
සාරාංශ කොට තබා
ගව් ගනන් පහළට පැමිණියෙමි.
ඒ කන්ද,
සිරීපාදයටත් වඩා
පිදුරුතලාගලටත් වඩා
අපේ ගම් පියස මායිම් වෙන
බොල්ගොඩ, දූල්ලෑව කඳුවලටත් වඩා උස්
මහාමේරුවේ සොහොයුරෙකු වැන්න.
ඒ සාරාංශය තුළ
දරු පෙමද, එකිනෙක ගැහැණුන්ට හා පිරිමින්ට දැක් වු
ආදරයේ ස්වරූපයන් ද,
එකිනෙක සමීපව තැන්පත් කෙළෙමි.
අමතක වීමකින්දෝ
සාරාංශය තුළ,
ජීවත්වීමට ඇවැසි
සියල්ල ළඟ ළඟින්
තැන්පත් කොට පහළට පැමිණියෙමි.
ඉතින්,
ගමන් වෙහෙසට අද දවස වෙන් කරමි.
එහෙත්,
හෙට සිට?
චිත්‍රපටය නැරඹීමේ ආශ්වාදමය සාරාංශය)
No comments:
Post a Comment