'මගිය,
ඔබ එළඹ සිටි සිහියෙන් දැ යි
විමසිලිමත් වෙන්න.'
වහන්ස,
මා මෙහෙයවූ උතුම් ම දම් පදය එයයි..
එය එසේ නොවී නම්
මා සුන්බත් වී බොහෝ කල් ය.
සමිඳ, මා ඔබ දකින්නේ,
'උසය. හීන්දෑරිය,නොසැලෙන සේක.
අල්ප වූ ආහාර ඇති සේක, කිසි දෙයක නො ඇලෙති, වන වැද බවුන් වඩති, ලොබලිය ලියලවන වස්තූන්හි අපේක්ෂා හැරපියා සිංහයෙතු මෙන් හුදකලාව හැසිරෙති.'
(සුත්තනිපාත)
ලෙසිනි.
දෙතිස් මහා පුරුෂ ලක්ෂණ අතරින් නොවෙමි.
උත්පත්තියෙන් ම මට ලැබුණු දායාදය ඔබ වහන්සේ ය.
ඔබ වහන්සේගේ දහමය.
මේ ජීවන ගමන් මගේ පිටමං නොකළ අතළොස්ස අතර
ඔබ වහන්සේ ඉහළින් ම වැඩ වාසය කරයි.
-චන්ද්‍රරත්න බණ්ඩාර
No comments:
Post a Comment