ඉර සේවය බලන්නට
කඳු මුදුනට නගිද්දී
වලි කුකුලන් හඬ ගෑ ය
''ඔවි ඒ නිවැරදිම හෝරාව" යයි කියා
තමන්ගේ අන්තිමම රැස් ටිකත්
සඳු විසින් හිරුටම බාරදෙන උත්සවයත් දුටු ඈ
ඉනික්බිති
සඳ විතැන් වී යන අයුරුත් දුටුවා ය.
සඳරැස් ටිකකුත් මුහුකරගෙන
බව්ලාන කන්ද ඔස්සේ ගලා ආ
රිදී පැහැති දිය දහර
දවසක්දා සඳ එළියේම දුටු කැට කිරිල්ලී
ඒ මගේ ලස්සණම දවසයි කීවාය කාටදෝ
සඳරැස් හිරු රැසට වසඟ වෙන
මනරම් උදෑසන බලන්නට
දිනපතා කඳු නගින ඈ
හිරුට වසඟව තමන්ද ඔත්පල වෙන වග නොදත්තී...
චන්ද්‍රරත්න බණ්ඩාර
2010
('කැට කිරිල්ලී' කාව්‍ය සංග්‍රහයෙනි)
ගොඩගේ ප්‍රකාශන
No comments:
Post a Comment