අද නත්තල් දිනයේ 'ඇනා කැරනිනා' කෘතිය කියවා අවසන් කෙළෙමි. පොත් බොහෝ ගණනක් කියවීමේ පිපාසය තිබූ මීට වසර හතළිහකට පමණ කාලයේ මෙම නවකතාව කියවීමෙන් නොලද රසයක් මම දැන් ලැබීමි. ජීවිතයේ අත්දැකීම් බහුල මේ වැඩිහිටි ජීවිතයේ එම කියවීම තමා වෙත පිවිස තමාම යළි කියවා ගැනීමට හැකියාව ලබා දුන්නා සේය. පොතක් ජීවිතයේ විවිධ අවධිවලදී කියවන විට දැනෙන වෙනස් ආශ්වාදය අත්විඳ බලන ලෙස මම ඔබට ඇරයුම් කරමි.
ලෝකයේ විශිෂ්ටතම මනෝවිද්‍යාත්මක නවකතාවක් ලෙස ඇනා කැරනිනා සම්භාවනාවට පත්වේ. එය මානව හැසිරීම් පිළිබඳ බහු විධ පැතිමාන උගන්වන සරසවියක් බඳුය. ඇනා කැරනිනා නවකතාවේ සියළුම චරිත 19 වන සියවසේ රැසියානු ප්‍රභූ තන්ත්‍රයට අයත් වූවෝ වෙති. ඒ ප්‍රජාව ඇසුරෙන් මුළු මිනිස් සංහතියේ මානව හැසිරීම පිළිබඳ දැනගැනීමට කවුළුවක් තැනීමට ටොල්ස්ටෝයි සමත්වේ. බොහෝ දෙනා පවසන්නේ මෙහි ලෙවින්ගේ චරිතය ටොල්ස්ටෝයි තමාගේම ජීවිතය ඇසුරින් තනාගත් බවයි. ඔහු සාරධාර්මික හා සත්‍යගරුක හා දාර්ශනික එළඹුමකින් තමාගේ අභ්‍යන්තරයත් තමා අවට ලෝකයත් බලන්නටද තැත් කරයි. ජීවිතයේ සාරත්වය මෙන්ම අසාරත්වයත් එක්වර භුක්ති විඳිමින් සතුට හා සංතාපය එකවර අත්විඳියි.
මේ සියළු චරිත සම්මිශ්‍රණයෙන් පූර්ව විප්ලවීය රුසියාවේ සමාජය පිළිබඳ අවබෝධයක් ලබා ගැනීමට හැකියාවක් ලැබෙයි. ඇනා, රොයින්ස්කි, ඔබිලොවින්ස්කි, ඩොලී, කිටී, ලෙවින්, කැරනින් මහතා ආදි සියළු චරිත තනි තනිව ගෙන බැලුවහොත් ඒ චරිත වැඩිගණනක් විසින් ප්‍රකට කරන චර්යාවන් තනි අපටද ආගන්තුක නැත. ඇනා බලාපොරොත්තු වන ප්‍්රෙමය ඔස්සේ වන විමුක්තිය බොහෝ ගැහැණුන්ට පොදුය. පළමු ආකර්ශණයෙන් සිය ජීවිත රසායනය වෙනස් කරගෙන සියලු මානව ධර්මතා එයට යටපත් කරමින් රොයින්ස්කි ගත් පියවරයන් සම්මතය එක විදිහකටත් සම්මතය අබිබවා ගිය මානව හැඟීම් තව විධියකටත් විනිශ්චයට ලක්කරයි.
ඇනා කැරනිනා ටොල්ස්ටෝයි අතින් ලියවෙන්නේ 1873-1875 කාලයේය. ඒ තරම් දුරාතීතයක ලියවුණු කෘතියක් සියවස් එක හමාරකට පසුවත් ලොව ඉහළම කෘතියක් ලෙස සම්භාවනාවට පත්වේ.
එක්දහස් නවසිය අෂූ ගණන්වල රාවය සඟරාවට සම්මුඛ සාකච්ඡාවක් සඳහා මම කිවියර පී. මලල්ගොඩයන් මුණගැසුණෙමි. එම නිවසේ ඇනා කැරනිනාගේ විශාල ආලේඛ්‍ය චිත්‍රයක් බිත්තියේ එල්ලා තිබුණි. ඒ අපූරු සිතුවම ඔහු ගෙනවිත් තිබුණේ සෝවියට් රුසියාවෙනි. ඇනා කැරනිනා නවකතාව මෙවර කියවන විට ඇනාගේ රූපය මසිත සකස්වුණේම යටකී ආලේඛ්‍ය චිත්‍රය ඇසුරිනි. දැනුත් එසේමය.
*මාරියා ගාර්ටුන්ග් (Maria Gartung)
සුන්දරත්වයෙන් හා බුද්ධියෙන් අනූන, එවකට උසස් සමාජයේ ප්‍රසිද්ධියට පත්ව සිටි ඇලෙක්සැන්ඩර් පුෂ්කින්ගේ දියණිය වන මාරියා ගාර්ටුන්ග් , ඇනා කැරනිනා චරිතය නිර්මාණය කරගැනීමට ටොල්ස්ටෝයි විසින් උපයෝගී කරගත් බව පැවසේ.
මානව ආධයාත්මය පිළිබඳ විශ්වවිද්‍යාලය...ඇනා කැරනිනා....
-----------
ඇලෙක්සි ඇලෙක්සැන්ඩ්‍රියෙව්
ඔබ නිවැරැදිය
ඒ මහා කරුණාවට
ආගමක් තැනිය හැකි‍ය.
ගල් හිතක් යැයි කියූ උදවිය
එය ගෙ!රවයෙන් පිරුණු හිත
වෙඩරු පිඩක් යැයි හිතන විට
ඇනා ගල් ගැසුණු විදිහටම
ඔය ඔක්කොම ගල් ගැසේවි..ලැජ්ජා වේවි
මරණය යහපතැයි සිතාවි.
ලෝකයේ විශිෂ්ටතම මනෝවිද්‍යාත්මක නවකතාවක් ලෙස ඇනා කැරනිනා සම්භාවනාවට පත්වේ. එය මානව හැසිරීම් පිළිබඳ බහු විධ පැතිමාන උගන්වන සරසවියක් බඳුය. ඇනා කැරනිනා නවකතාවේ සියළුම චරිත 19 වන සියවසේ රැසියානු ප්‍රභූ තන්ත්‍රයට අයත් වූවෝ වෙති. ඒ ප්‍රජාව ඇසුරෙන් මුළු මිනිස් සංහතියේ මානව හැසිරීම පිළිබඳ දැනගැනීමට කවුළුවක් තැනීමට ටොල්ස්ටෝයි සමත්වේ. බොහෝ දෙනා පවසන්නේ මෙහි ලෙවින්ගේ චරිතය ටොල්ස්ටෝයි තමාගේම ජීවිතය ඇසුරින් තනාගත් බවයි. ඔහු සාරධාර්මික හා සත්‍යගරුක හා දාර්ශනික එළඹුමකින් තමාගේ අභ්‍යන්තරයත් තමා අවට ලෝකයත් බලන්නටද තැත් කරයි. ජීවිතයේ සාරත්වය මෙන්ම අසාරත්වයත් එක්වර භුක්ති විඳිමින් සතුට හා සංතාපය එකවර අත්විඳියි.
මේ සියළු චරිත සම්මිශ්‍රණයෙන් පූර්ව විප්ලවීය රුසියාවේ සමාජය පිළිබඳ අවබෝධයක් ලබා ගැනීමට හැකියාවක් ලැබෙයි. ඇනා, රොයින්ස්කි, ඔබිලොවින්ස්කි, ඩොලී, කිටී, ලෙවින්, කැරනින් මහතා ආදි සියළු චරිත තනි තනිව ගෙන බැලුවහොත් ඒ චරිත වැඩිගණනක් විසින් ප්‍රකට කරන චර්යාවන් තනි අපටද ආගන්තුක නැත. ඇනා බලාපොරොත්තු වන ප්‍්රෙමය ඔස්සේ වන විමුක්තිය බොහෝ ගැහැණුන්ට පොදුය. පළමු ආකර්ශණයෙන් සිය ජීවිත රසායනය වෙනස් කරගෙන සියලු මානව ධර්මතා එයට යටපත් කරමින් රොයින්ස්කි ගත් පියවරයන් සම්මතය එක විදිහකටත් සම්මතය අබිබවා ගිය මානව හැඟීම් තව විධියකටත් විනිශ්චයට ලක්කරයි.
ඇනා කැරනිනා ටොල්ස්ටෝයි අතින් ලියවෙන්නේ 1873-1875 කාලයේය. ඒ තරම් දුරාතීතයක ලියවුණු කෘතියක් සියවස් එක හමාරකට පසුවත් ලොව ඉහළම කෘතියක් ලෙස සම්භාවනාවට පත්වේ.
එක්දහස් නවසිය අෂූ ගණන්වල රාවය සඟරාවට සම්මුඛ සාකච්ඡාවක් සඳහා මම කිවියර පී. මලල්ගොඩයන් මුණගැසුණෙමි. එම නිවසේ ඇනා කැරනිනාගේ විශාල ආලේඛ්‍ය චිත්‍රයක් බිත්තියේ එල්ලා තිබුණි. ඒ අපූරු සිතුවම ඔහු ගෙනවිත් තිබුණේ සෝවියට් රුසියාවෙනි. ඇනා කැරනිනා නවකතාව මෙවර කියවන විට ඇනාගේ රූපය මසිත සකස්වුණේම යටකී ආලේඛ්‍ය චිත්‍රය ඇසුරිනි. දැනුත් එසේමය.
*මාරියා ගාර්ටුන්ග් (Maria Gartung)
සුන්දරත්වයෙන් හා බුද්ධියෙන් අනූන, එවකට උසස් සමාජයේ ප්‍රසිද්ධියට පත්ව සිටි ඇලෙක්සැන්ඩර් පුෂ්කින්ගේ දියණිය වන මාරියා ගාර්ටුන්ග් , ඇනා කැරනිනා චරිතය නිර්මාණය කරගැනීමට ටොල්ස්ටෝයි විසින් උපයෝගී කරගත් බව පැවසේ.
මානව ආධයාත්මය පිළිබඳ විශ්වවිද්‍යාලය...ඇනා කැරනිනා....
-----------
ඇලෙක්සි ඇලෙක්සැන්ඩ්‍රියෙව්
ඔබ නිවැරැදිය
ඒ මහා කරුණාවට
ආගමක් තැනිය හැකි‍ය.
ගල් හිතක් යැයි කියූ උදවිය
එය ගෙ!රවයෙන් පිරුණු හිත
වෙඩරු පිඩක් යැයි හිතන විට
ඇනා ගල් ගැසුණු විදිහටම
ඔය ඔක්කොම ගල් ගැසේවි..ලැජ්ජා වේවි
මරණය යහපතැයි සිතාවි.
See less
No comments:
Post a Comment