දසදහස් ගණනක් පොත් අතර
තිබෙන්නට ඇත පෙම්පතක්
කවුරු හෝ කවියෙකු ලියූ
අපට හරියටම ගැලපෙන
මග අයුරු නොදැන මුත්
මග අයුරු දැන වගේ ආ ගමන
එක තැනක හමු වී
තතනද්දි කියන්නට යම් දෙයක්
සිතුවමට අධිපති දෙවියා
කඩා වැදී එතැනට
ඇන්දේය සිතුවමක්
දෙව්ලොවේ වර්ණයෙන්
දැන් ඒ සිතුවම ඔබ අබිබවා තොසිනි.
සාරි ඇන්දත් ඔසරි ඇන්දත් ගවුම් ඇන්දත්
නිරුවතින් හිටියත්
සැමකල්හි ඔබ සිටින්නේ
දෙවියන් ඇන්ද වූ ඇඳුම් ඇඳගෙන
ඒ කවි පොත තිබුණු බිම්කඩ
සිතුවම ඇන්ද බිම්කඩ
වෙනස් විදිහේ මදහසක් මෝදුවුනු බිම්කඩ
කාලයේ වේගය ගැන අමනාප වු බිම්කඩ
නව බිජුවට වපුල බිම්කඩ
අතපත් නොවූ කවිපොත
සොයන්නට එන්න හිතෙන බිම්කඩ
පැදකුණු කළ වග සැලව
ඒ පැරණි මදහසම යළි මෝදු විය මා ව
No comments:
Post a Comment