කළඹන්නට හැකි නම්
සම්මත හංසවිල
කළඹනු ඇත
හංසයන්ටත් නොදෙවෙනිව
පිපෙන්නට හැකි නම්
ඔවුන් තැනූ පාත්තිවල
නොපිපී නොසිටිනු ඇත
ඒ මල් කැකුළු
අඩක් අඳ ඔබ දෙනෙත්
සුවපත් වූ දිනෙක පෙනේවි
ඔවුන්ද ලෝකය ලස්සන කර ඇති බව
වෙනත් විදිහකට
වෙනත් ලතාවකට
වර්ණවත්ය ඔවුන්ගේ සිහින
බියපත්ය ඒ දෑස් ......ඔබ නිසා
චිරාත් කාලයක් පුරා
ආ ශිෂ්ටාචාර ගමනේ
මග හැලුනි ඔවුන්ගේ චේෂ්ඨා
හැලූ කඳුළු බලයක්ව -හැලූ සුසුම් සුළඟක්ව
නිරුද්ධවූ ප්‍රාණ පොදවල් බලයක්ව
පුපුරයි තැනින් තැන
දිල්ලියේ මෙන්
No comments:
Post a Comment